Ариун цэврийн байгууламжийг сайжруулах төсөл
Сонгинохайрхан дүүргийн хэмжээнд нийт 43 хорооны 90 мянга гаруй айл өрхтэй. Үүнээс: Гэр хорооллын 31 хороонд нийт 64 мянган айл өрх буюу дүүргийн нийт хүн амын 66,6 хувь нь гэр хороололд амьдардаг. Гэр хороололд амьдарч буй айл өрхийн 47623 орчим уламжлалт нүхэн жорлонтой байна.
Дүүргийн Засаг даргын 2020-2024 оны үйл ажиллагааны мөрийн хөтөлбөрийн “Ногоон хөгжлийг дэмжих” ажлын хүрээнд агаар, хөрс, хөрсний бохирдлыг бууруулж эрүүл аюулгүй орчныг бүрдүүлэх, байгаль орчныг хамгаалах, нөхөн сэргээх ажлыг эрчимжүүлэх, эко системийн тэнцвэрт байдлыг хадгалах зорилт дэвшүүлэн “Гэр хорооллын 10,000 айл өрхийн нүхэн жорлонг шинэчлэх” төслийг үе шаттайгаар хэрэгжүүлэн ажиллаж байна.
